【本報訊】雖然今次空姐一方勝訴，但機管局早已於開審前悄悄修例，列明首檢不需同行同檢，那今次裁決實際上會帶來甚麼影響？有大律師指，官司僅針對當日機場職員為梁頌昕代送行李一事，故判決僅聲明當日做法違規，「法官唔可以指示機管局點做」，加上開審當日空姐一方才知已修例，「唔可以當時先加單，話贏咗就要機管局改返做同行同檢」，坦言就算勝訴，「都係得個吉」。

譚文豪籲政府提修例

另一大律師楊岳橋則指，一般而言法庭未有頒令，與訟雙方便沒有後續行動需跟進。以本案為例，空姐一方當日要求法庭聲明機管局未有叫梁頌昕同行同檢屬錯誤，法庭亦裁定局方有錯，「申請人已經得到佢要得到嘅嘢」。
不過，本身是民航機師的議員譚文豪認為，即使法庭未有頒令局方恢復同行同檢，但判決已聲明同行同檢實屬正確，一個負責任的政府不能坐視不理，理應提出修例：「係咪每次都要法庭教你點做？」譚指早前公民黨已去信立法會保安事務委員會，並將繼續跟進。香港空勤人員總工會主席吳敏兒亦指「結果彰顯法庭都用咗一個常人都用嘅角度去睇，其實同行同檢幾咁必要同重要」，公開呼籲機管局盡快「返回正軌」。
■記者蘇曉欣