寰亞電影買下日本經典電影《追捕》的版權來重拍，並交由吳宇森執導以紀念好友兼舊版男主角高倉健，新版中將由張涵予飾演檢查官一角，而追捕他的警官角色，吳宇森一直想請日本男神木村拓哉演出，但木村最終因檔期問題推掉，最後睇中另一位日本男神福山雅治。聽聞為了成功游說福山，吳宇森已親自飛到日本傾過幾次劇本，才得到福山答應，而另一位反派角色會由韓國男星李秉憲來演，女主角就看中演過《奇皇后》爆紅的河智苑，戲中她與張涵予會有不少感情戲。
《追捕》將於6月中在大阪開拍，預計製作成本約2億港元，吳宇森現時已飛到日本睇景和作事前籌備，監製陳嘉上就去了韓國與李秉憲、河智苑經理人洽談合作細節。據悉新版和76年的舊版有很大分別，吳宇森請來阮世生重新改編，原本影片在今年1月開拍，但因編劇由陳慶嘉臨時換了阮世生，結果延期到6月才開拍。

6月大阪開拍

昨日記者向寰亞發言人求證，她表示：「係，部戲約6月喺日本大阪開拍，至於演出陣容因為未全部落實，所以暫時都係唔公佈住，吳宇森導演的確已經喺日本做緊前期籌備，等遲啲有多啲嘢落實咗就會話畀大家知啦！」
採訪：鍾國仁