由河正宇、車太鉉、朱智勛等主演嘅韓國人氣電影《與神同行》，去年12月喺韓國創下逾1,440累計觀影人次，更成為韓國史上最賣座電影第二位，認真犀利。至於喺香港方面，《與神同行》同樣有逾5千多萬票房，成為香港電影史上最賣座韓片亞軍。

而去年韓國傳媒已報道，指《與神同行》向大陸提交上映嘅審批申請，早前大陸唔少繙譯網站都指受到有關片商要求唔可以上傳盜版嘅《與神同行》，當時網民都估計《與神同行》有望喺大陸上映。而今日根據韓媒報道，《與神同行》已經成功獲得大陸廣播總局嘅許可，可以喺大陸上映，相關人士指：「《與神同行》預計5月之後喺大陸上映，韓流進將再次變得活躍起來。」

不過報道出街後，《與神同行》片商就否認消息，指目前仍然進行審批中，仍未能透露確實上映日期。

更多韓流，喺晒《娛果》
http://fb.com/appledailyent