今季係我最後一次喺〈海嘯救生圈〉畀貼士。雖則呢個禮拜六日聯冇波打,但仲有好多場日乙同埋日聯盃,而心水博湘南比馬作客岡山綠雉贏3:0。
今季日乙焦點落喺大阪櫻花身上,但湘南比馬都好值得留意。湘南比馬今季打得唔錯,過去17場聯賽攞到12勝3和2負,僅以3分落後「1哥」櫻花。今場佢哋作客綠雉佢哋只係得門將金永基因傷缺陣,換言之可強陣,其中坂本紘司、中村祐也及阿迪奧等腳風都幾順,聯賽總共入咗17球,作客冇咗臼井仁志、妹尾隆佑、小林康剛同埋西野晃平等球員嘅綠雉,3分應該冇走雞。考慮到綠雉對上3場聯賽,場場都失3球,就要比馬贏3:0。