【女神加持】12歲YouTuber雞丁rap歌被瘋傳 陳法拉：你好得意呀
蘋果日報 2020/03/06 22:45
陳法拉YouTuber雞丁
（網上圖片）
近年網上湧現了不少YouTuber，皆因美國《福布斯》日前公佈年僅8歲的日本、越南混血兒 Ryan Kaji在YouTube上傳各種玩具的開箱影片，結果令他年賺2,600萬美元（約2億250萬港元），成為全年十大最賺錢YouTuber，正因為這原因，要突圍賺錢並不容易，第一步當然是要吸引網民訂閱，有龐大的訂閱人數兼點擊率，自然會吸引廣告商，收入亦會隨之而增長。
今日在網上瘋傳，一個只有中二的YouTuber雞丁爆紅，原因是他創作的《生活》，在MV中全程記錄自己的一天的生活，其中歌詞先後提到：「我行出街又有啲HIGH，走入百佳突然見到陳法拉」、「我行出街又有啲HIGH，走MTR突然見到陳法拉」、「我行出街又有啲HIGH，喺銅鑼灣突然見到陳法拉」，雖然雞丁的音準欠奉，不過所RAP的歌詞認真貼地，結果不單受網民熱捧，訂閲人數急升，甚至連身在外地的陳法拉，亦在IG轉貼《生活》的MV並說：「小朋友你好得意呀！睇完你rap生活都好完美，加油！最鍾意你當咗我係你街坊 #雞丁 #rap #madeinhongkong #youtubestar #creativekids #樂觀啲生活就會好完美」而雞丁只簡單回覆一句：「thx！」
除了這首歌之外，雞丁本身亦創作了不少作品，分享自己日常所見所聞，例如他有一首《武漢肺炎》回應疫情，又要出街口罩，叫大陸唔好搞野味：「個病毒喺度令人死，但多咗 two weeks holiday。」有網民留言力撐：「我知一定有人覺得個細路好智障，咁都學人拍片，rap 到成舊屎咁。但唔該你哋問下自己係人哋咁細個嘅時候，有冇勇氣去做自己鍾意嘅嘢？如果冇嘅，麻煩你哋收收X。」、「朋友，欣賞你年紀小小敢去嘗試，都真係幾有音樂觸覺！做人最緊要做啲自己鍾意嘅事，當然都唔好因為咁而完全唔讀書。Haha，我第一次係youtube留言㗎，加油呀你！」、「好鍾意你呢首歌，特別係『你樂觀啲你嘅生活就會好完美』最近唔係幾開心，聽完好似有番力量！」
陳法拉亦有留意雞丁的作品。（網上圖片）
（網上圖片）
雞丁的作品相當貼地。（網上圖片）