29歲林宥嘉今年1月同丁文琪(Kiki)登記結婚，透露今年會舉辦婚禮，早前仲同老婆去咗日本櫻花樹下影婚照(新聞連結： http://bit.ly/2nTeczP )，佢噚晚喺台北小巨蛋完成2場「The Great Yoga」個唱，兼舉辦慶功宴，佢對自己嘅演出俾咗100分，而老婆Kiki連兩日都撐場，林宥嘉話：「這幾天回家像老大，不用做家事，很爽，但明天可能要補做。」至於老婆有冇俾佢「愛的抱抱」同親親？林宥嘉笑言：「抱抱每天都有啊，親親是不用費體力的動作……我很單純，不講這個啦!」

佢今次搵咗蔡依林（Jolin）做嘉賓，喺Jolin登台前一度好緊張，佢哋仲兩次擁抱，事後林宥嘉笑住話：「我忘記老婆在台下了。」咁啱老婆Kiki喺2002年出道後首場演唱會，都請Jolin站台，林宥嘉就話：「Jolin是Kiki的學姊，一家親嘛，所以這次換我」。

此外，講到佢同Kiki嘅婚宴，林宥嘉有啲無奈話：「最近剛拍完婚紗，拍了2、3套，到時會公開，今年秋天一定會辦。」問到師姐Ella日前生男B、升呢做人母，林宥嘉話：「Kiki也在場，她很感動!」咁幾時輪到Kiki生B?林宥嘉即笑回：「等婚宴辦完後，才會有當爸爸的計劃，32歲前應該可以達成。」