今次成功截獲打劫金行的獨行賊，有賴多名熱心街坊的追捕，發揮獅子山下的守望相助精神。其中手持掃帚與賊人對峙的男街坊，他甚至不肯透露姓氏，講述與刀賊對峙時仍談笑自如，他說當時「聽到有人嗌打劫，就幫手追，睇住佢上的士，的士司機都唔知咩事，唔開車，佢自己（賊人）就落返車。」他一直追至發祥街、元州街，在元州商場拿來一柄掃帚，與賊人對峙。

被問到面對刀賊不怕嗎？「有刀又點，我有掃帚佢埋唔到我身咪得囉，我冇食過夜粥，我只係附近嘅街坊，見到發生咁嘅事就幫手。」他說賊人「有啲似癮君子」，「佢跑唔起，走嘅時候都跌低咗幾次，企都企唔穩，佢埋唔到我身。」原來捉賊對他來說素有經驗，以往都試過協助追捕賊人，「嗰次係搶嘢，我幫手追，捉到呀，我仲一路等差人嚟先走，呢啲好平常，經過見到就幫手！」他說時輕描淡寫，但一顆助人之心已教人感動不已。
　
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568