【過埋夜都仲係「了解中」?!】叫大家畀空間發展 洪永城:唔好嚇走佢
梁諾妍洪永城
洪永城同唐詩詠分手後感情終於有着落,被爆與模特兒兼長跑教練梁諾妍拍拖,依家已進展到女方喺男方家中過夜,翌日洪永城車住女友出街時被撞破令戀情曝光。(連結新聞: https://bit.ly/2GaUNUv )
洪永城今日喺將軍澳出席好友楊秀惠新店開張時,大方承認拍拖,接受大家恭喜之餘亦好維護女友:「了解中,畀啲空間我哋,認識咗幾個月發展順利,只係畀記者嚇親有少少阻滯,令佢有啲慌張,佢唔係好慣面對鏡頭。」
至於係咪所指一齊過夜度春宵,洪永城冇否認:「了解中,畀啲空間我哋,呢個句子夠晒百搭,當日都驚佢嚇親影響工作,專登車咗佢返咗公司再安排佢搭車,點知傳媒神通廣大再影到佢相,都係嗰句『畀啲空間我哋』,你哋唔好嚇走佢。」聽得出洪永城好緊張呢段剛萌芽戀情,並對女友讚不絕口話:「佢係好女仔,鍾意跑步,開健身中心。」問到女方有乜吸引之處?洪永城愛到出面話:「好多優點、太多,要講一、兩個鐘頭。」洪永城話身邊部份朋友都知佢有新戀情,而報道見街後收到唔少人恭喜。
精選娛聞,喺晒《娛果》
http://fb.com/appledailyent
女友喺自己屋企過夜都仲可以話係了解中,唔知洪永城想幾深入去了解呢?