「2017韓國放送通訊委員會放送大獎」頒獎禮於今日喺韓國首爾舉行，現場共約300名國會議員、政府各界人士、電視台代表等出席，為表揚過去1年電視界人士嘅貢獻。

總共338個劇集、綜藝節目嘅作品中，由韓國女星宋慧喬、宋仲基等人主演嘅神劇《太陽的後裔》就獲頒最高榮譽嘅「大獎」，雖然劇集去年4月已經播完，但人氣依然不減。委員會負責人大讚《太陽》完成度高，係「先拍後播」劇集好成功嘅例子，劇集更紅到海外，擁有高人氣，所以評分最高而獲得「大獎」。同時，tvN嘅人氣劇《鬼怪》以及《Signal》就獲頒優秀獎。

另外，《太陽》以軍人為題材，劇集嘅成功令南韓軍人形象大大提高，劇集出街後，大陸及台灣都有打算翻拍類似嘅劇集、電影，打算透過劇集提升國軍整體形象、尊嚴及士氣。日前台灣國防部宣佈撥款1280萬台幣(約326萬港元)預算，用以製作16集「國軍形象連續劇」，即係將會開拍台版《太陽》。

消息一出引起網民關注，有唔少網民反對拍攝台版《太陽》，表示預算只係韓版嘅三十分之一，預算過低唔會拍得出《太陽》嘅效果，而台灣男星炎亞綸亦出聲：「你們知道韓國一集製作費就能超過國防部整部的製作費嗎？不要丟臉了。」

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。