張家輝兩年前為拍《激戰》而苦練成筋肉人，陳偉霆（William）數年前為拍一部猶如日版《激戰》的《搏擊奇緣》，而增肥到200多磅相撲手身形？
說的是William 4年前未紅時接拍的中港合拍片《搏擊奇緣》，片中男主角William本是一位蒙古摔交手，後來到日本打相撲，雖然William賽事中擊敗相撲手蒼國來，但因為態度囂張而被逐出相撲界，令William自暴自棄，在日本大搞非法摔交賽事謀生，最後獲其兒時好友趙柯喚醒良知，帶他重返蒙古重拾新生。

演蒙古摔交手

不過，William在現實中並未有增肥拍攝，跟蒼國來對打的、「減肥前」的William，其實是由相撲手星風所扮演。身兼《搏》片監製及導演的陳麗英前晚在電話中說：「我哋覺得相撲手星風同William有啲似，所以搵咗佢擔任William替身。William係演一個蒙古摔交手，所以佢都好畀心機操弗自己身形，練摔交練咗好耐，但佢啲對手係真正摔交手，所以拍攝嗰陣William真係撻生魚咁撻到周身瘀晒！嚟緊星期日（明日）部戲喺香港首映，William話好想嚟，可惜佢喺內地拍緊劇嚟唔到。」
問為何4年前的作品至今日才上映時，陳麗英說：「部戲喺內蒙、大阪同香港三地前後拍咗一年，做3D同搞特技又搞咗一年，加上要內地審批，所以下個月10號先喺香港上映。」除William、趙柯外，斯琴高娃和鄭佩佩分別飾演William嫲嫲及婆婆，另外劉丹和劉兆銘也有份客串。
採訪：魯吉