那些年嘅你，見到一眾台灣女神，有冇幻想過要娶個台妹返屋企呢？！之後見到佢哋落咗妝個樣，又有冇縮沙呢？！

擁有34D澎湃咪咪嘅台灣性感歌姬李愛綺，就唔知係唔係真係驚會嚇親當年嘅男友，亦即係o依家嘅老公嘞！前排上節目自爆，同老公拍拖嗰4年間，從未畀佢見過自己嘅素顏。就算一齊住，都日日等老公瞓咗先落妝，第2日又堅持要早過老公起身，執返晒D眼耳口鼻，先「有面」見老公呀！

李愛綺仲話覺得化妝係禮貌，唔化妝就會冇晒安全感，所以先至堅決唔素顏見人！不過老公有冇半夜起身見到佢個素顏look，佢就唔知嘞！