今年21歲嘅o靚模謝芷蕙（Cammi)，3年前撻着今年23歲嘅內地富二代B先生後，成日喺ig放閃，曬合照同美食都已經係小事，佢仲曬男友送嘅名牌禮物，搞到唔少人都又愛又恨。

話晒男友後生又有錢，Cammi梗係專心一意對男友，不過5年前五官未進化嘅Cammi，雖然個樣似足NelNel張學潤，但媾仔本領媲美「集郵殺手」，俾佢眷顧嘅男星，全部惹上一身蟻。

默認第一次俾咗陳冠希
當年16歲，仲讀緊中學嘅Cammi，話自己唔見咗手機，佢同陳冠希脷疊脷嘅啜爆相面世。當時Cammi表明仍是處女，更揚言可接受醫生驗證，但後來接受周刊訪問時，卻聲淚俱下默認第一次俾咗陳冠希，搞到陳冠希本已插水嘅形象，插到入地心。反而Cammi就以男方女友之名，返大陸登台搵銀，仲撈到風生水起。

王浩信婚前被爆有一手
流出同陳冠希啜爆相後，被Cammi「集郵」嘅男星，亦喺同一時間，逐一被翻舊帳。王浩信同陳自瑤結婚前夕，爆出男方曾經背住未婚妻偷食Cammi，二人喺男方愛巢共處5粒鐘，女方離開嗰陣仲係濕住頭髮走，當時王浩信嬲爆話Cammi借自己宣傳，好彩陳自瑤最後都選擇相信老公。

自稱俾萬寧哥哥醉擒
萬寧哥哥沈志明，俾Cammi指控借醉擒啜，Cammi事後又係喊住口，接受雜誌訪問，話同萬寧哥哥第一次約會就已經俾對方速擒,Cammi有嗌唔好，最終走得甩。第二次約會，Cammi話萬寧哥哥又打算灌醉夾硬嚟，最後男方仲餓狼上身除褲自瀆。事後Cammi有指患咗抑鬱要睇心理醫生，至於當年事業啱啱起步嘅萬寧哥哥，亦從此變成失蹤人口。

狂施冧攻追井柏然
同樣係2011年，Cammi為亞視錄影賀年節目《人氣春晚．唱紅亞洲》遇上大陸井柏然，一向鍾情靚仔嘅Cammi狂施冧功，除貼面玩自拍外，又互相關注微博，不時私信往來。不過媾仔未試過失手嘅Cammi，面對井柏然,最後都係食白果！井柏然好彩得以全身而退。