「中環換血」或可印證本土派「要島不要人」的講法，有「末日博士」之稱、前交銀香港首席經濟及策略師羅家聰強調非刻意唱衰或唱淡，實情是中港兩地明顯已經「擘面」，「（中共）懶得粉飾，進一步加速關係惡化，都唔使再講2047， 2027年捱唔捱到都成問題。」

社運之初中環已瀰漫白色恐怖，羅家聰指出中資機構加強審查，行家要遊行、示威只能蒙面支持，「如果行出來俾人影到上咗電視就大鑊」，社交媒體、日常工作電郵、信件亦遭「全方位監視」，大嘆表達意見渠道有限。

羅家聰一再強調，每逢社會事件對政權有威脅，中共就會改變玩法，「2003年董建華下台後，紅色資本滲透已出現」，當時中共仍想向世界接軌，而不是今日「要西方或外面跟中國模式」，又形容國家主席習近平脾性較「霸氣」，逐漸由合作模式，演變成「你要玩？就跟我規矩玩」，近年更變本加厲成「你唔使嚟玩，我有我嘅，你玩你嘅，合作空間大為收窄」。

究竟是「末日博士」太悲觀抑或金融人太樂觀？羅家聰指客觀情況已急速變化，「唔係刻意唱衰或唱淡，以前中共會粉飾，依家香港和內地明顯已經有一定程度擘面，（中共）懶得粉飾，進一步加速關係惡化，都唔使再講2047， 2027捱唔捱到都成問題。」

可以說得上是香港人被「用完即棄」嗎？羅家聰直指，「共產黨不嬲係咁」，又認為港人正面對一場不對等的競爭，若本身能力不足就抵輸，但現在中資機構用人是「講關係或者某背景才能入行、入局」。

資深對沖基金經理錢志健認同，中資行現講「裙帶關係」，甚至立法會金融界投票時出現「掌心雷」亦時有所聞。他個人則非常關注證監會主席繼任人安排，認為這是守住香港的最後一道防線。

講到北京將「犒賞」澳門，包括助澳門發展金融中心。羅家聰稱，習近平高調去澳門，政治象徵性意義大於實際，質疑難取代香港地位。

獲國家祝福全因澳門人肯當「順民」？錢志健指出，「澳門人可能係順服咗，沒有抗爭或批判嘅想法，佢哋唔明白香港人點解咁抗拒北京。」

羅家聰卻反駁指，本港金融界大部份已成為「順民」，又稱「和你Lunch」企出來表態的，「可能係好基層，或者（中共）覺得一日可以換晒都無問題嘅嗰一類員工，話得事嘅都已經好comply」。

中環人價值一向被指「賺錢至上」，如今部份站在前線食TG，似乎已經覺醒。羅家聰認為港人早已習慣無民主，但如今既無民主，連本身擁有的自由都慢慢失去，頓時發現政治與自己相關，亦解釋了「港人為何由幾乎完全政治冷感，變成全面政治參與」，只是捍衛本來擁有的，卻發現越來越困難，迫令更多人發聲。

港人是太遲覺醒嗎？羅家聰指關鍵是「時機」，上次佔中未令全民覺醒，今次再現改革契機，在這個時勢下，大家卻肯挺身而出，「係整個崩壞制度中，唯一較為樂觀嘅曙光，起碼大家肯出嚟、肯講嘢、肯做嘢，唔係無彎轉，但預咗比較辛苦，真係可能犧牲相當多。包唔包括人命？我都唔夠膽講。」

錢志健勉勵港人繼續堅持，堅守良知，打好這場「價值之戰」，又建議泛民動議檢視警隊「OT錢」，稱過去數月警隊獲逾倍人工相當「荒謬」，個別人更因而獲百萬年薪，「與中環人年薪一樣，佢仲可以扑濕你，然後唔可以告佢」，又稱警隊薪酬已較消防員及其他紀律部隊高。他又提到，希望候任區議員繼續為社區帶來改變，「唔好坐暖櫈後，就變成建制」。

【理財急CALL】中環大換血 羅家聰、錢志健開Live講「血淚史」

日期：12月16日（周一）
時間：8pm – 8:30pm
主持：Willa
嘉賓：前交銀香港首席經濟及策略師羅家聰
嘉賓：資深對沖基金經理錢志健

重溫網址：

果燃台
蘋果ATM
蘋果YouTube