楊主光與魔童王維基並肩作戰近7年，卻未有隨他轉戰電視業，他直言王維基無邀請他過檔，形容自己是「電訊人」，「留低發展」機會較大，對於中學同窗作出的賭注，楊主光充滿信心：「佢贏硬喎，唔知贏多定贏少！」
05年11月底，王維基公佈城電（1137）十三年來首度「見紅」的全年業績，同時從數碼通（315）邀得楊主光出任香港寬頻營運總監，結果香港寬頻09年的上客跑贏大市，同年吸引CVC的青睞。今次未被王維基再邀過檔，楊主光未有甚麼「棄將」感覺，除因「電訊畀我發展嘅機會大過電視」，原來他與香港寬頻管理團隊都屬於「partofthedeal（交易的一部份）」。

「王維基贏硬　賭得穩陣」

對於新老闆，楊主光的形容詞包括「好可靠」、「快人快語」、「直接」、「好拍檔」等，他又指CVC下放更多的權力，「新香港寬頻」馬上增加員工福利，如多兩日年假、逢節日提早半日放工等。至於舊老闆，楊主光形容王維基「過去幾年都無乜點掂香港寬頻」，公司亦早已習慣「沒有王維基的日子」。問到會否覺得王維基今次「賭大咗」？楊主光反認為他「賭得好穩陣」，因為「電訊有好多對手，但電視基本只得一個」，對於王維基最大的對手TVB，「一家公司做咗幾十年，大部份都係同一班人，又無競爭，進步有限……佢贏硬，唔知贏多定贏少。」