現年31歲嘅天王嫂朴秀珍，去年10月為老公裴勇俊誕下B仔後，榮升做媽咪，而且靚樣不變，不過早前佢就包到冚於Instagram公開新自拍，令粉絲有少少失望。天王嫂噚日再次公開新自拍，仲要係素顏上鏡，雖然又係遮咗半邊臉，不過今次都叫見到佢個靚樣，算係咁啦。

唔知最近啲女神係唔係都愛以半邊臉示人，韓劇《太陽的後裔》女星宋慧喬噚日都於Ig公開新相，而且一樣只係見到半邊臉。照片中喬妹躺於雪地上，十足電影海報，唔知喬妹幾時接拍新作會粉絲呢？