王喜離開大台多年,舊年年底喺facebook轉發一段有關周恩來嘅報道,結果俾黃安舉報,搞到王喜喺今年一月播出嘅內地真人騷《了不起的挑戰》戲份被刪同埋打格,而且好多大陸工作都被取消。
不過王喜自己終於都搵到出路,就係自己投資自己做製作,嚟緊佢第一炮就係搞一個沙灘遊戲節目叫《喜樂無窮‧塞班島》,搵班女仔着三點式去陽光海灘玩game,聽日佢會安排班女仔着住三點式面試,最特別之處,係佢孖住陳志雲以及陶傑一齊揀女,而呢個節目,會賣畀ViuTV播出。
噚日《蘋果》打畀王喜,佢就話:「我自己有間製作公司,顆拍另一間本地間公司,搵咗投資者一齊合資製作一個陽光海灘美女三點式嘅遊戲節目,7月頭去塞班島拍。有咗個成品之後發行去ViuTV,馬來西亞、星加坡同台灣,另外仲有啲網站咁囉。」
唔知經過志雲大師同才子陶傑過目嘅女,會唔會美貌與智慧並重之餘,性格仲好玩得呢!?