韓國男神金秀賢上個月完成咗KBS劇《製作人們》之後，就處於休息狀態，之後將會準備投入電影《Real》嘅拍攝。

而喺拍電影之前，金秀賢就自然專注搵真銀，今日就由韓國出發到鄭州，準備晚上嘅見面會活動。

叉足電嘅金秀賢亦趁休息時間去咗恤個靚髮，不過今次男神就將頭髮剪到好短，冇咗招牌嘅齊蔭頭，但係就將啲頭髮剪到超短，將成個額頭展露人前，唔再做「都敏俊」。

而唔少網民都話金秀賢新髮型雖然帶點儍氣，但仍然靚仔過人，仲讚佢好鬼可愛。