吳若希接受商台節目《一圈圈》訪問時，除咗講到自己由公屋搬到豪宅，疑似被包，覺得自己好委屈外( 新聞連結： http://bit.ly/2iCNVEw )。佢亦有分享到佢同老公Alex嘅愛情故事，呢個故事就充滿蜜糖，好甜！

但原來佢哋嘅愛情故事，緣於有人大迷信。

16年，吳若希好大方咁公開同「澳門闊少」的Alex Ho拍拖，三個月後又高調宣佈分手( 新聞連結： http://bit.ly/2BCyOiO )，之後又因為佢懷孕而復合，可謂峰迴路轉，仲戲劇性過大台啲劇集。吳若希話Alex係佢歌迷：「Alex的確是我歌迷，事關拍拖後，我檢查他手機以往的紀錄，他用我的歌詞去冧EX(前度)囉，哈！」

至於點樣結識，吳若希話：「15年，佢邀請我去澳門剪綵，之後又要求我介紹風水師佢識，接觸多咗，佢就向我展開追求囉！」吳若希直認係被Alex嘅孝順同顧家而吸引，但講到點解會發展成情侶，全因「迷信」有關，她說：「因為師父看過我們的八字，也因為他一句『你又旺佢，佢又旺你！』哈！」

每個愛情故事總有開心同唔開心嘅時候，吳若希都一樣，佢就曾經同Alex因為鬧大交而分手，後來因為發現有咗BB先復合。「分開後，其實大家都捨不得對方，我心知那時對他發很大脾氣，但亦因為發現對方某些事講大話。有了BB後，是『唔知點算』，有考慮應否要這BB，但真的做不出，很快就決定要生下來，知道後再告知他，很快有共識這段關係要走下去。」未出世嘅囡囡淼淼就好似月老咁將佢哋拉番埋一齊，佢哋亦好坦白咁提出條件，吳若希話：「他說：『以後發脾氣唔準掟嘢！』我說：『好！但你以後唔準對我再講大話！』」因為相方坦誠，令這段關係修成正果。

淼淼四月出世，但吳若希同Alex到十月十日先低調結婚，佢話：「也是師父指我們是最好在那年那月那日結婚，哈！」

更多娛聞，喺晒《娛果》
http://fb.com/appledailyent