山竹過後，杏花邨堆滿垃圾，好多都係幾十年前丟落海嘅塑膠，大自然反擊人類污染地球，八方都十分感慨，馬會國際慈善論壇今日開鑼，其中一個議題就係可持續發展，大會配合環保主題，向每位入場人士派發環保水杯一隻，現場亦只設水機，唔派膠樽裝水

國際慈善論壇今年第二屆舉行，吸引逾1,000名思想領袖及各界代表參加，出席論壇講者來自全球各地超過60人。首日主題演講重量級講者係諾貝爾經濟學獎得主James Heckman教授，佢接受傳媒訪問時大談中美貿易戰，笑言沒有充分理據支持，最後只令美國的競爭力下降。

另一嘉賓諾貝爾和平獎得主Muhammad Yunus十分親民，不但為記者喺著作上簽名，更分享「破格」想法，認為「失業」係「人造的問題」，而「打工」係「偽概念」，其實每個人都可以做「老闆」，運用天賦改變社會，更鼓勵在場記者立即辭工，引得現場記者哄堂大笑。

立會補選新聞，《蘋果》一網睇晒：
http://bit.ly/appledaily1125