才女梁芷珊去年驚爆同商人羅傑承離婚，回復單身嘅梁芷珊，喺朋友嘅飯局識咗孫佳君嘅前廚師男友Olivier，結果喺喺女兒嘅鼓勵下，梁芷珊重新投入新戀情（新聞連結： https://bit.ly/2ot4AK5　）

梁芷珊今日喺中環出席活動，熱戀中嘅女人心情同狀態簡直冇得頂，以前黑黝嘅膚色如今充滿光澤，佢話：「多謝晒呀！休息一排，差唔多冇公開露面一年，我離開咗之前嘅公司，不過都Keep住做經理人，但唔係管理藝人，係球星、運動員或者廚師呢啲專業人士，遲啲會公開新計劃。」男友喺「冇得揀」嘅情況下，亦成為佢嘅旗下。

咁將來會否介意同男友一齊出席公開活動？梁芷珊話：「有人邀請冇問題，不過o依家未有，每個人有自己嘅新生活，喺正常況冇避忌。」那將來可有再婚嘅打算？「我哋都係初期，唔會咁快，始終之前經歷咗一段表長時間嘅婚姻，o依家專注喺囡囡同自己嘅事業，當然我哋嘅感情好穩定，如果唔鍾意唔會一齊。」

梁芷珊仲話：「上星期去咗倫敦探囡囡，佢今年15歲，唔係小朋友，好多嘢都好明白，而且我哋嘅相處又好似朋友，佢覺得最緊要爹哋媽咪開心。」

龔慈恩嘅囡囡林愷鈴亦有出活動，講到暑期生活，佢話：「我會報讀演戲，為將來做定準備，不過讀書緊要，希望喺香港讀大學。」同場嘅宣萱話7月計劃同朋友去歐洲旅行，o依家努力做嘢儲彈藥。

精選娛聞，喺晒《娛果》
http://fb.com/appledailyent