【囡囡一歲喇】由o靚模升呢人母 Celia養兒方知父母恩

蘋果日報 2018/03/12 22:00

一路向西郭穎兒Celia
    電影《一路向西》嘅o靚模郭穎兒（Celia K.），前年同拍拖一年嘅圈外男友李冠鋒閃婚，去年3月生咗囡囡李明芯（Galia），日前為囡囡慶祝1歲生日。Celia為芯芯挑選粉紅色裙，打扮成搶鏡小公主。Celia同阿鋒好友C AllStar嘅梁釗峰認真唔話得，除咗見證佢哋結婚，芯芯百日宴，連芯芯1歲生日都畀面出席。
    因為生日會當日係朝早10點半到中午，所以壽星女瞓醒到場，周圍走，好快放晒電，到尾聲準備糕，芯芯開始攰爆。問到Celia囡囡生日P趣事，佢今日回覆《蘋果》時話：「芯芯因為太早起身，所以吹蠟燭嘅時候，佢叫極都唔醒，仲要一個唔留神，半塊臉塞咗落去個蛋糕度，佢最後係瞌埋對眼過生日囉。」
    Celia由o靚模升呢人母，親力親為湊女，過去一年令佢深深體察到養兒方知父母恩，佢喺囡囡正日生日時喺facebook留言：「上年嘅今日，我同你初次見面，我對你淨係覺得好奇妙，少少陌生，對你一啲都唔了解、唔熟悉，所有嘢都戰戰兢兢去學、去接觸。直至今日我哋相處咗一年，差唔多對足你365日，我哋慢慢開始建立咗比較深厚嘅感情，我陪住你學講嘢，你成日傳染啲病菌畀我，迫我陪你病。睇住你識坐、識爬，再慢慢企穩，到今日識行，你帶畀我嘅歡樂，永遠都唔嫌多，你令我學習到當媽是怎樣一回事。呢一年過得太快，以後我哋繼續互相指教，我會一直陪伴你成長。我愛你，囡，一歲生日快樂。」
    精選娛聞，喺晒《娛果》
    http://fb.com/appledailyent
    empty
    empty
    o靚模郭穎兒（Celia K.），前年同拍拖一年嘅圈外男友李冠鋒閃婚。
    empty
    去年3月生咗囡囡李明芯（Galia），日前為囡囡慶祝1歲生日。
    empty
    Celia為芯芯挑選粉紅色裙，打扮成搶鏡小公主。
    empty
    Celia同阿鋒好友C AllStar嘅梁釗峰都畀面出席。