亞視女星張家瑩今日都有到動漫節撐新公司開張嘅盛品儒，上次開記招張家瑩都有到，真係超級fans。

張家瑩指佢平時都有打機減壓紓緩情緒，至於cosplay就冇玩過，不過想試，但又驚自己著唔起，今日都想搵人教佢喎。

呢排亞視風雨飄搖，張家瑩表示自己依家進軍飲食界，嚟緊一連兩間舖頭，一間泰國菜，一間日本菜。佢話:「本身想開一間，但覺得都係分開好，可以有齊兩款菜式。」張家瑩又表示同朋友夾埋7位數字開店。

咁是否因為覺得亞視前境唔光明先至決定開舖？張家瑩話唔係，仲好堅定咁話:「我一定唔會離開娛樂圈，一定留喺亞視。」又話:「我之前有同公司講過，佢哋都好支持，其實我除咗發展演藝事業外，都應發展其他事業。」真係識講嘢喇!


《蘋果》動新聞一連五日都會直播動漫節，亦都係期待已久嘅「動主播召喚」動漫即場挑機時間！

【動漫Live不停】一連5天好玩到癲
http://bit.ly/1yQy8Qe
http://bit.ly/ucg2014Live