全國人大常委會今日（28日）起一連3日召開會議審議「港版國安法」，意味法案最快於周二（30日）通過。惡法當前，有學生組織今於樂富發起反國安法街站，向市民派發反國安法貼紙，又呼籲香港學生做問卷發表意見，兩天收集到700份問卷回覆，當中全部人均反對「港版國安法」。

學生陣線聯盟今午在樂富擺街站，中二生Mat指，聯盟於前天（26日）開始問卷調查，兩日已收集到700份問卷，當中全部人均反對港版國安法。他們希望收集到2,000份問卷，「希望嚟自唔同界別嘅學生都可以做呢份問卷，令每人嘅聲音都可以被代表到」，亦希望藉此團結學界一同反抗。

中一生：條例跟埋你啲子孫

就讀中一的蒜蓉（化名）呼籲學生切勿輕視國安法，「呢條條例唔係10年、20年就會冇咗，係跟你成世，跟埋你啲子孫」。她指，教育必然會是「港版國安法」的目標：「就算你淨係想讀書，你都會無咗通識呢啲科」，呼籲學生積極參與問卷調查表達意見。

「港版國安法」最快周二落實，據知更有機會即時禁止部份「敏感」行為，包括禁止揮動美國或港獨旗幟。Mat坦言對草案落實感到擔憂，「見到某幾位議員都會畀人跟蹤、影相」，但他仍然選擇站出來對抗惡法，「因為我覺得呢度係我哋屋企，我哋就要做盡一切去保護佢。」

-----------------------------
蘋果25年系列ebook《讀果》上架：紀實現場 、世界前線 、逆權之路 、叱咤風雲 、守護真相
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多