【老公有幫手】田蕊妮備戰演唱會冇啖好食 演出太豐富被迫刪減兩節
田蕊妮演唱會
即將在本月20日舉行首次個人演唱會的田蕊妮,今日在土瓜灣錄音室為演出進行樂隊綵排,距離演出剩下10日,阿田表示已經開始感到緊張:「好驚呀,好多嘢要記,歌詞、台詞、結他全部都怕到時唔記得。」
阿田稱丈夫杜汶澤都有幫忙檢視整個Rundown,發現演出時間太長,於是狠心刪掉其中兩部份,「因為今次演唱會同平時觀眾睇到嘅有啲唔同,發現自己有好多嘢想講,依家一場真係講唔晒,如果有機會畀我開幾場,真係可以晚晚唔同內容。」可有機會再加場?她說:「我唔諗喇,而家做好呢一場先。」
阿田表示為了今次演出,自己過著相當刻苦的生活,每日練歌做運動,而且食得相當清淡:「我覺得自己好似Rocky咁,每日都係咁練習,食好多蛋白質又唔飲得凍嘢,所以我已經決定咗完騷慶功到時要去打邊爐。」忍口忍得相當辛苦的她表示,臨近中秋家裏有很多月餅,自己要扮作視而不見:「最慘我老公喺屋企成日就大大聲問,唔知呢種月餅係咩味嘅呢。」講到因應最近社會氣氛,不少演出都被延期或取消,阿田表示自己沒有想太多,只專心做好排練,又笑言:「就算真係開唔成,個慶功都要繼續。」
提到杜汶澤昨晚在社交網絡上載一張兩人舊照,寫著拍拖二十年,相中兩人相當青澀,不少網民都留言大讚甜蜜,和阿田樣貌無變過,她笑言:「係我隔離嗰個樣變咗,唔係我。」講到上次阿田在Instagram和一班劇集演員合照並留言江湖再見,惹來離巢揣測,她說:「嗰次係一時感性,因為係我最後一次參與劇集宣傳,之後就要準備演唱會,令大家誤會真係唔好意思。」
-----------------------------
【撐學生】
召集有心人 撐學生全年睇《蘋果》
立即按此 田蕊妮今日在土瓜灣錄音室為首次個人演唱會進行樂隊綵排。
阿田稱丈夫杜汶澤發現演出時間太長,於是狠心刪掉其中兩部份。
杜汶澤昨晚在社交網絡上載一張兩人舊照,阿田:「係我隔離嗰個樣變咗,唔係我。」(FB圖片)