日前被爆將做未婚爸爸嘅韓國男星金賢重，同前女友A小姐為驗肚一事隔空拗唔停，被網民笑係鬧劇，噚日劇情又有新發展，金賢重嘅父母現身力撐囝囝。

金賢重父母前日現身接受韓媒訪問，解釋心痛囝囝因是非纏身而足不出門，於是開腔力撐囝囝，表示：「我哋從未懷疑過BB嘅身份，只係知道A小姐喺懷孕後有飲酒，我哋係因為擔心BB嘅健康才希望佢去醫院檢查，但佢連續爽約四次，唔知佢究竟諗咩。」

金賢重父母又表示，A小姐所講嘅「懷孕有力證據」，只係三張冇名嘅超聲波相，而且冇更精確嘅檢查報告，暗示A小姐有所隱瞞。

最後金賢重父母強調：「我哋早已做好養BB嘅準備。」