38歲周杰倫（周董）於2015年結婚，喺三年時間已成為人父兼人夫，話咁快同老婆昆凌湊夠個「好」字，生咗囡囡「小周周」同囝囝(新聞連結： http://bit.ly/2sRQ0zR )，囝囝喺今個月8號出世，周董一直未有貼囝囝相!

今日凌晨終於喺facebook貼出昆凌抱住囡囡小周周同囝囝嘅合照：「哈哈，姐姐寫的《前世情人》沒入圍，之後只好靠媽咪的前世情人幫姐姐爭一口氣囉 。」開心share再次做爸爸嘅喜悅，現時老婆昆凌要坐月，一向係「愛妻號」嘅周董點捨得老婆辛苦!

周董透露冇法參加本周六舉行第28屆金曲獎頒獎典禮：「金曲獎可能沒辦法參加了，謝謝所有歌迷朋友的關心啦，月子中心陪著母子看金曲獎感覺好特別。哈哈，俗話說的好『娶妻前生子後』賭運會比較好……喂！不是啦，是運氣會比較好。」而有份入圍歌王嘅周董，睇嚟對拎最佳男歌手獎座好有信心。

網民亦恭喜佢三年抱倆，大讚已為兩B之母嘅昆凌仲係咁靚，不過有網民就覺得周董唔應該缺席金曲獎，覺得出席係基本禮貌，認為周董係「耍個性」。