【新增內容】

今日喺3月8日，三八婦女節，唔少女藝人今日都係網上貼靚相，展現女性自信一面。

已為兩女之母嘅鍾麗淇，曬得一身古銅色肌膚，身材fit到爆。佢以英文留言表示唔想做一隻視覺動物，做人要有內涵。佢話：「謹記你的夢想，然後努力去圓夢，如果你沒有放棄就會看到不一樣的事情。忠於自己，可以吸取靈感，但最重要是做自己唯一的靈感來源。我敬佩這世上所有堅強而勇敢的女士們。國際婦女節快樂！」其實鍾麗淇都係一位堅強嘅女性，大女Isabella患上罕見基因病四號染色體缺損綜合症，但鍾麗淇仍一直用心照顧，早前囡囡第一次自己行路，可以話係創造奇績。(相關新聞﹕ http://bit.ly/2D9T2A7 )

而經常被指唔夠靚嘅冠軍港姐雷莊兒，就唱咗一首英文歌慶祝，佢以英文留言：「更多嘅挑戰喺我面前，不過，Baby，生活就係咁！無論幾咁困難，我知道我只會有更重大嘅前路，去變得更堅強。一點一點咁變得更勇敢同更好，挑戰自己嘅極限同突破自己。令自己充滿驚喜，互相啟發並提升，因為呢樣係我哋要做嘅事。」

另外，蔚雨芯、鄧穎芝、高海寧等亦有貼相，高海寧露纖腰，一臉自信咁話：「自信心這個東西，除了你自己，誰都給不了你。#三八婦女節快樂。」

王君馨仲犀利，佢貼咗一張真．素顏相，話要借住呢日慶祝父母俾佢嘅面容。

精選娛聞，喺晒《娛果》
http://fb.com/appledailyent