季初階段熱咗身嘅馬，理論上點都好啲，以今晚（20日）谷戰嚟講，頭場「笑眼光」（蘇偉賢馬房）同第八場「亞馬寶寶」（徐雨石馬房），開鑼日響沙田跑過一場後，再出已於跑馬地入Q。

今晚有「笑眼光」、「亞馬寶寶」呢兩匹馬作季內第三度上陣，正路計表現有望再進一步。如果有馬迷臨場捉路，見到頭場四班1200米「笑眼光」馬主譚榮根陣營冇人在場，以為馬主自己冇信心，咁就錯啦！譚榮根由於忙於私務或獅子會事務，成日要周圍飛來飛去冇時停。

上周三（13日）「笑眼光」13倍半冷姍姍來遲跑第二，當日譚榮根正身在美國未返，據聞佢仍然身在當地，但「笑眼光」就一定馬照搏，贏得唔會保留，所以今晚如冇馬主拉頭馬都唔出奇。