麥明詩（Louisa）及阮政峰，今日去到旺角出席第九屆「戒煙大贏家」無煙社區計劃頒獎禮。

麥明詩表示，自己從來未試過吸煙，所以未試過戒煙，她說：「在外國讀書時候很多引誘，但係父母從小良好教育，好多小朋友覺得食煙好型，但係我諗法係相反，如果我隨波逐流就唔型，其他人食我偏偏唔食。」Louisa強調其首要擇偶條件是男朋友不吸煙，Louisa說：「曾經有一個想追我嘅男仔，我要求佢一定要戒煙先，最終佢戒煙成功，之後都接受咗佢。」

麥明詩指自己特別抗拒有吸煙習慣的異性，她說：「比賭錢飲酒更嚴重，建議女性朋友，如果個男仔氹你話一齊咗之後唔食，千祈唔好相信，因為佢未同你一齊之前已經係最大決心，咁都戒唔到，一齊之後更加唔會戒到。」Louisa指自己有哮喘，所以身邊朋友為她着想，吸煙時會避開，又會介紹一本有關戒煙的書給朋友，她指該男友就是憑那本書戒煙。

日前麥明詩爸爸生日，她與哥哥一起送一部電腦給爸爸作為生日禮物，Louisa說：「畀爹哋退休用，同時要捧佢做KOL，到時可以做佢經理人。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI