旅遊達人胡慧沖（Roger）聯同冬蔭妹，今日喺灣仔出席國際旅遊展，推廣泰國曼谷，現場佢哋仲載歌載舞，Roger笑言今次係第一次公開唱歌，佢話：「我幾廿歲，緊係搵個靚女冬蔭妹嚟吸吓晴，佢都好受香港人歡迎，之前同男友嚟香港旅行，仲因為太多人認得冬蔭妹，男友投訴同咗個明星去旅行。」

Roger話同冬蔭妹拍嘅旅遊特輯已經拍到第4集，仲擔保唔會換走冬蔭妹，因為之前換咗後劣評如潮，而冬蔭妹就希望喺幕前作多方面嘗試，提到上次嚟香港着泳衣鬼咁性感，佢話：「我唔介意性感，有限度嘅性感係冇問題。」但身旁嘅Roger就笑冬蔭妹好保守，去游水包到實，成個大媽咁。

至於提到Roger喺節目扮蘇永康唱《愈食愈開心》，佢就話搞吓gag just for fun，佢話：「我始終係旅遊達人，做返好自己崗位，黎瑞恩叫我唔好再唱歌，再唱就會變尹光。」

精選娛聞，喺晒《娛果》
http://fb.com/appledailyent