當年今日
關於我們

【林慕德作品展】8月開騷嘉賓仲未落實 林慕德感歎好多戰友一早死晒

蘋果日報 2017/06/15 17:56

李克勤記招陳淑芬林慕德

入行40年,現年60歲嘅林慕德喺女友鄧慧詩提議下舉行作品展演唱會,今日佢同音樂總監周啟生及演出歌手韋綺珊、張崇基、張崇德齊齊現身灣仔,宣佈八月五日假會展開騷,收益扣除成本撥捐東華三院作慈善用途。
林慕德受訪時話今年係其「登陸」之年,所以想搵啲喇嘢搞下,最後決定開呢個演唱會。「我好開心,可以喺香港做咗咁多咁好嘅音樂,又有咁多人欣賞。作為一個就嚟、或者可以唔喺呢個世界上面嘅人,仲可以推動廣東音樂,我覺得好開心。」何以咁講?佢笑笑口話:「因為我都六十歲喇,已經過咗一半,唔知仲可以過到幾耐。」
「好多好朋友,喺音樂界嘅,好多好早已經唔喺度。音樂界嘅人,多數都係唔長命。」林慕德遂個數:「好似羅文啦、阿梅啦、Danny啦、林振強,我老友。我真係好多謝佢,寫咗好多好好嘅詞俾我,差唔多有一半歌都係佢寫,《甜蜜如軟糖》係佢寫、《去吧!》都係佢寫,《激光中》都係。我又多謝霑叔,俾咗首《邁向新一天》俾我,好勵智。到時我會有一個環節特別多謝佢哋。」
林慕德笑言,故謂覺得呢個音樂會是其一生人之經典,又謂好開心可以同周啟生合作,「因為大家都係為音樂而做音樂。」至於在世者會否幫手宣傳個唱或屆時出席?他笑言因為合約問題,「嚟就冇問題,宣傳就難啲。你可以咁講﹐個個都口頭上應承嘅,哈哈哈!」佢仲好有信心屆時會有好多原唱者可以出席獻唱添!咁有冇一半以上?「呢個我唔夠膽講,只可以話嚟得嘅歌手個個都係唱得嘅。」但李克勤開完個唱之後先到佢個騷,林慕德都話窄啲;咁蘇永康呢?「佢都諗緊,不過要徵求老闆。」好似個個都未落實咁?林慕德稱:「唔係。我覺得有啲人係唔可以喺呢度講嘅。唔可以公佈。呢個係行規。」
講開原唱者,對於前亞視藝人、1986年參加「第五屆新秀歌唱大賽」的盧昭明表示自己才是87年陽光檸檬茶廣告原唱者,又稱是陳淑芬當年叫她去錄,而非林慕德所指主唱者是楊楚營。
林慕德聞言即說:「拿,喺我記憶裡面,呢個人(原唱者)一定係Cindy(楊楚營)。有冇人唱過demo呢?或者會有,但出街嗰個就一定係佢。除非我真係發緊夢啦。」對於當時混音師Raymond指好記得廣告歌把聲係盧昭明而不是楊楚營,林慕德就說:「呢個我要同Raymond坐低(傾)先得喇。因為我有好深刻印象,係楊楚營。佢唱完隻歌……佢嗰陣都好細個。嗰陣佢唱完之後有啲走音,我要將錄音帶校快校慢剪番落去個track度,所以我好記得係楊楚營。除非我失憶症。」「因為佢新人嚟,個客當時話,佢唱得唔錯,但有啲走音,我話冇問題﹐我哋搞掂佢,之後有同Raymond傾。」至於盧昭明,他稱女方應有為陽光廣告唱其他歌。
empty
林慕德與音樂總監周啟生
empty
empty
周啟生胞姐周小君(後排左三)亦有出席記招。
empty