47民主派被控｜劉頴匡涉國安法正被還押 竟接電話要求去警署報到 劉笑言：叫佢聯絡國安
蘋果日報 2021/04/13 07:04
47 名涉參與或組織初選的民主派人士被控「串謀顛覆國家政權」，其中 36 人不獲保釋，當中包括已解散的民間集會團隊發言人劉頴匡。昨晚劉頴匡女友Emilia 在她 facebook 貼出一段電話錄音對話，指有自稱屯門警署的人來電找劉頴匡，促劉應去警署報到，Emilia則解釋劉因涉國安法已被還押扣留，對方始恍然大悟。
據手機顯示的來電號碼，確與屯門警署報案室電話號碼脗合。Emilia今日探望男友時提及事件，劉則笑言「你同佢講，叫佢聯絡國安，國安知㗎喇」。
Emilia保管劉頴匡的手機，昨晚她在fb 專頁貼出一段電話對話影片，來電人找劉頴匡，並要求劉到屯門警署報到，稱：「係搵劉頴匡嘅，佢今日點解無去警署報到。」Emilia表示「佢國安法俾人還押緊喎」，來電者始恍然大悟「哦，咁樣嘅，得唔緊要，得唔緊要」，並要求Emilia留下姓氏和聯絡電話以作記錄。
她指「有時真係唔知講乜好...啱啱夜晚10:20收到屯門警署打來嘅電話，係搵劉頴匡嘅....問佢今日點解無去警署報到...呀sir好幽默，唔好意思還押咗無得報到 ，唔好意思顛覆咗個政權無得報到」。
警方表示，就劉頴匡沒有根據保釋條件到警署報到，警方會根據保釋條件查詢及跟進，並適時更新保釋資料。
劉穎匡目前還押中，但竟然有警員找他去警署報到。資料圖片
Emilia網上貼文圖片。
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！