艾妮捧足軒仔6場演唱會 可惜無緣見「遮遮」
蘋果日報 2020/12/01 17:42
艾妮
艾妮對未能見到張敬軒的家傭真人，感到很可惜。
容祖兒同門師妹艾妮今日到新城電台，參與新城勁爆頒獎禮拉票活動，她日前到紅館捧師兄張敬軒場，她指每場都有所得着，包括欣賞歌曲、中樂團、舞台擺設及燈光等，雖然8場中去足6場，但最不開心是錯過了27號那場，跟軒仔的外傭「遮遮」緣慳一面，她無奈說：「我就係嗰場冇去，見到大家啲相好開心，但我就唔開心，因我有追睇『早餐po』，不過佢啲早餐唔適合我，我戒咗澱粉質，麵包和粥都唔食。」
對於獎項，艾妮覺得今年2首派台歌在新城的成績不錯，希望頒獎禮上得到獎以作鼓勵。參加歌唱比賽後入行的艾妮以往以出翻唱Hi-Fi碟為主，希望明年嘗試不同風格的歌曲錄製自己歌曲。問到會如何拉票？她會在社交平台呼籲fans投票。有人提議她不如素顏開直播，以勇氣吸引更多人投票，她笑說：「我對自己素顏有信心，但當然希望以最佳狀態示人，或者諗吓直播做gym同倒立。」
艾妮表示會在社交平台呼籲fans投票。
艾妮不介意素顏開直播。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！