當年今日
關於我們

【曼市打吡】係咪慶祝過咗火? 哥帥:絕無其事!

蘋果日報 2017/12/13 01:00

曼城曼聯哥迪奧拿打吡

周日曼市打吡演變成肢體衝突,依家仲攪到英足總介入調查。事件嘅導火線被指係曼城球員慶祝過火,但領隊哥迪奧拿就否認呢個指控,只係話:「冇,我哋只係喺打吡戰贏咗宿敵,比着曼聯贏咗佢哋都會慶祝,而阿仙奴贏咗曼聯佢哋一樣會慶祝。」
對於件事嘅詳情,哥帥話佢有份鼓勵班球員慶祝:「所有球員都付出努力去打贏呢場仗。賽後球員都有互相握手,有啲曼城球員同啲球迷一齊慶祝,我都有鼓勵班球員喺更衣室慶祝。當落敗你就要接受,當贏波就梗係慶祝。發生咗嘅嘢已經發生咗,希望呢啲事唔會再發生。」
慶祝還慶祝,但究竟係咪過咗火,哥帥就話一定唔係,「(慶祝嘅方式)同贏修咸頓嗰場波一樣。」至於點解摩連奴會「踩場」走入客隊更衣室,哥帥就話唔評論。
--------------------
球迷一定要知!英超一哥曼城,已經登陸​『BFB​』​!登入即送藍月球星: http://bit.ly/2AAiPDS