除咗林保怡之外，仍身在泰國曼谷開工嘅，仲有拍緊電影《泰戀》嘅人妻孟瑤。噚晚十一點幾左右，孟瑤於微博求救:「泰國軍方變政接管國家政府。實行宵禁。即夜間22：00到淩晨5點期間無事不得出外。五人以上小團體若形跡可疑。軍方有權開槍射殺。19：00所有商場關門。21：00電車停運。各位，我又中獎了！明天通告也取消了！你們要來救我啊！」見到都戥佢牙煙，但係睇番佢張相，小背心露微罅仲有心情tune張相嘅顏色，似乎仍然唔使太擔心。

有網民問孟瑤:「可以考慮提前回國。」孟瑤就話:「還沒有拍完啊!」亦有人提醒佢注意安全，孟瑤就回覆道:「在酒店找個spa做呀」今次同行拍攝嘅，仲有導演葉偉民、譚耀文同文雋。又難怪孟瑤咁驚咁唔開心，因為佢都係噚日……即係22號發生政變首日抵達曼谷開工，真係唔遲唔早時間「啱啱好」……