徐崢、黃百鳴噚晚到尖沙嘴出席《人再囧途之泰囧》嘅首映禮，徐崢喺現場同黃百鳴有傾有講。對於《泰囧》喺內地已經破咗13億，黃百鳴直言自己之後有電影《百星酒店》上映，覺得兩片係良性競爭。

佢亦透露《葉問3》將會於3月開拍，男主角仍屬甄子丹，佢表示：「我有睇《一代宗師》，自己唔驚比較，我哋係實打，佢哋係美感。」聽落呢句好似有問題，《一代宗師》各演員章子怡、梁朝偉同張震都出晒名特登學幾年功夫上場實打，咁都只係美感？王家衛聽到會唔會唔高興呢?