一般來講,龍頭公司會以「仙女散花」式開舖,很可能是想迫退其他競爭對手,整合市場;但以周生生(116)及六福(590)發展到呢個規模,基本上已經迫唔走,所以周大福咁急開舖為乜?如果純粹為一句上市時講大咗的開店目標,咁海迪會有點擔心:到底面子重要啲,還是盈利能力重要啲?
周大福最近的1、2月同店銷售表現,雖較上一季已經有顯著改善,但管理層亦向券商表明,內地生意短期都好難回復增長,而新開分店亦要用更長時間去ramp up,反映公司效益正在下降。其實以周大福採購能力、供應鏈的反應速度,加上財力,真係可以贏同行成條街。佢最大的敵人,其實係佢自己。
海迪