《蘋果》上月底報道過一班居於美國加州嘅香港人,至今未忘喺香港爭取「五大訴求」嘅手足,喺加州屋崙市(Oakland)發起跑步及填寫心意卡的流水式活動聲援香港人後,八方近日收到呢一班香港人由美國寄來嘅越洋包裹,當中除咗有親筆信特別感謝《蘋果》記者同採訪部嘅專業報道,令到一眾住喺三藩巿灣區嘅香港人,即使身處海外,亦好容易得到香港資訊。
呢班喺美國嘅香港人更喺呢個包裹中,附上用木框鑲好,內有佢哋早前喺美國舉行活動時,收集到嘅《蘋果》海外讀者簽名留言,送畀《蘋果》仝人。當中除咗有讀者多謝《蘋果》記者為令香港人知道真相,一直親赴前線,承受無數催淚彈同警察辱罵,亦有讀者坦言對於壹傳媒創辧人黎智英、前立法會議員工黨李卓人及前民主黨主席楊森早前被捕一事感到傷心,話香港人一定會同《蘋果》撐落去咁話!
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架