只係出過3首歌嘅MK-POPFAITH,今日喺尖沙嘴科學館演講廳開演唱會。個騷叫《FAITH飯聚玩唱會》,門票一律80蚊港幣。今日開騷,竟然重有飛賣。入到去,竟然都有9成入座率,大部份都係10幾歲嘅妹妹仔,開騷前佢哋見到FAITH好興奮,又尖叫又握手又拉住合影,唔講仲以為係邊個天王天后開騷添。媽媽今天真的不必擔心你喇。
FAITH受訪時話:「聽公司講賣出咗295張飛,賣剩5、60張門票左右啦。」好受歡迎呢。
雖然話飯聚,但成個騷食冇嘢食提供。一開場,成班0靚妹仔就衝前同FAITH握手合照,仲有歌迷整蛋糕請佢哋食添!
大家之前睇Rundown都見到,只有三首歌嘅FAITH,今次處男開騷,四首歌都唱晒,都唔夠,仲要唱埋霆鋒、蘇永康、周杰倫同陳奕迅嘅歌,兼請埋龍小菌同「網絡歌手樂樂」做嘉賓唱歌,等啲時間易過啲。當然,請社福界代表胡淑星致辭同玩遊戲謀殺時間都好緊要。
但係講到唱功呢……有走音,預咗。同經理人合唱《忘記歌詞》時走音;成員Wave唱周杰倫嘅《彩虹》時走音又唔夠氣。龍小菌唱《棉花糖的窩》時都甩嘴……噢no。