有市日綜合症

【症狀】一時唔睇股，就生活無味；一日唔講股，便覺面目可憎。寧可食無肉，不可心無股。
【診斷】病情唔算輕，有咁症狀嘅股民要小心情緒波動。股市行情瞬息萬變，經常令股民處於緊張同焦慮嘅情緒中，人體嘅免疫力因而急降，影響身心健康。
【處方】揸長線。唔使日日昅住股市，唔使影響工作，同樣可以錢搵錢。

冇市日綜合症

【症狀】對股民來講，冇升跌嘅假日最難捱。心中冇寄託，渾身唔自在，惘然失落。明知股票唔會有資訊更新，仍不自覺「Click」老鼠更新。
【處方】精神轉移法。唔好畀個腦成日諗住股票，不妨做吓運動。

升市綜合症

【症狀】我的眼裏只有「你」。男人同女人都唔捨得使錢，寧願慳慳埋埋，將啲錢買股票。首先可能會按咗層樓，然後會問親戚、朋友、同事借。不過，有啲人啱啱相反，好捨得使，碌卡時眼都唔眨，因為「反正喺股市搵錢咁容易」。
【診斷】同第三種症狀相比，頭兩種病況都仲算輕微，起碼唔會危害生命，但第三種隨時因為精神狀況喺短時間內極度亢奮，令大腦大量充血，血壓急升，隨時有機會爆血管或心絞痛。
【處方】斬倉。心痛還心痛，當發現自己真係唔激得，就要快刀斬亂麻，都係生命比錢重要。

跌市綜合症

【症狀】日日着紅衫（代表升市），見到着綠衫（代表跌市）嘅人就會好緊張。
【診斷】升市會令情緒失控，跌市更令人情緒不安，會觸發抑鬱症同悔恨症，一種強烈嘅自責心理，怨自己點解會將血汗錢付諸東流。
【處方】都係斬倉。如果落唔到手，可以搵啱時機，分階段入市，攤薄成本，話唔定可以退一步海闊天空。

未入市綜合症

【症狀】今日你開咗戶未？
【診斷】症狀比頭4種輕，非股民發病率比股民嚴重得多，成日怨自己點解咁猶豫，唔早啲入市。為「忘羊補牢」，明知風高浪急，都會急不及待下海炒股。
【處方】除咗玩股票，其實仲有好多搵錢途徑；如果唔係，隨時有機會出現比頭4種更嚴重嘅病症。
http://bbs.stock.163.com/agu/1038486 ,1,50,0,40,1.html?userid=

報料站
歡迎提供網上財經趣聞，資料一經採用，酬100元。請附姓名、電話及電郵地址，交[email protected]