記得N年前劉華有套《天地雄心》，係以香港第一代itv專家、𠵱家I.T（999）副主席盧永仁博士做藍本，一個字講晒──型！但自從暑假海域孖寶出事，博士即刻跳船唔做非執董，綜合《香港討論區》網友嘅意見，佢哋似乎已經將佢睇成「上市公司出事嘅指標」!
自從博士上個星期「係咁意」出嚟講吓I.T未來5年大計，話希望複合增長有兩成市值漲3倍……網友即刻有頗大反應。

海域出事即刻跳船

100millionhkd話佢做過幾十間公司……行行都識啲。阿簫和不懂裝懂就話佢係劏豬凳同埋黑仔明，去親邊間邊間就執笠。而Nevaeh就認為博士天下無敵，manbill甚至話博士好識做門面嘢，但真實料子有幾多？有往績為證！
其實網友又唔使咁激。睇番博士個file，都唔係話去邊間執邊間，來來去去好似只係得海域咋！最最威水嗰期，梗係搞電視嗰陣啦，之後因為做過banker，所以咪有好多上市公司搵佢做非執董囉，咁去到聯通（762）又冇乜點，最多咪次次都話CDMA好快轉虧為盈（雖然次次都唔兌現），聯通𠵱家都冇執到吖!
咁有博士加盟嘅I.T又會點呢？相信主席夫人應該響老公搵佢入嚟之前，已經問過「寧波車」啩！大家不妨畀啲信心！