六合彩上期頭二獎均無人中，今晚（5日）第61期攪珠有973萬左右累積多寶，馬會估計頭獎基金為1,500萬，截止受注時間為9時15分。

在對上20期內，共有17期開出2字頭冧巴，便知最近投注時如不兼顧它們，中獎機會隨時大大降低，兼且其間它們從未試過打叠兩期不露面。

因此當上期一個2字頭都不見後，預計這次應會有同類分子重開，值得在20至29號之間揀選心水。

近日21號曾於第41、43、45、46及51期先後五度現身，雖然至今已九期未見，但綠波最近走勢強勁，繼前期攪出五個後，上期再有三個入圍。

結合各項數據後，這次一於揀21號做膽。至於近兩期先後攪出28及30號，今期可博中間的29號相隔六期後反彈開出，不妨作為副選。