【李八方online】譚惠珠自認尊敬吳靄儀
蘋果日報 2020/09/12 09:07
吳靄儀譚惠珠鏗鏘說石永泰李八方
港台節目《鏗鏘說》新一集主角係「護法瑪利亞」譚惠珠。港台《鏗鏘說》影片截圖
前立法會法律界議員吳靄儀同基本法委員會副主席譚惠珠，兩個人可謂差天共地。不過譚惠珠喺港台節目《鏗鏘說》接受前香港大律師公會主席石永泰訪問時，竟然話佢好尊敬吳靄儀，而且佢仲同吳靄儀friend到上過吳靄儀屋企添，係真唔係呀？
今集《鏗鏘說》，有不少譚惠珠「少女時代」嘅珍貴圖片。港台《鏗鏘說》影片截圖
港台《鏗鏘說》影片截圖
石永泰就問，諗返當年同吳靄儀一齊為香港服務，係咪都係一個好美好嘅年代呢？譚惠珠都話係。港台《鏗鏘說》影片截圖
譚惠珠講起港英年代佢喺房委會做過，當時吳靄儀一樣，譚惠珠就記得吳嘅英文「好靚」，直頭係「文采飛揚」，所以佢咪好尊敬、亦好樂意認識吳靄儀囉；佢仲自爆當時佢上過吳靄儀屋企，食過吳煮嘅嘢添。
石永泰就問，諗返當年同吳靄儀一齊為香港服務，係咪都係一個好美好嘅年代呢？譚惠珠都話係，仲話由嗰時到而家，佢都無同吳靄儀鬧過交添，雖然無乜點見面。可惜，而家已經無咁美好嘅年代。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！