電影《黃金兄弟》今日喺荃灣舉行謝票，演員鄭伊健、林曉峰、謝天華到場，觀眾話好睇又感人睇到喊。監製曾志偉同錢嘉樂指剛上映反應已好好，繼噚日喺長沙謝票後，聽日就去廣州，之後陸續會到星馬等地。

錢嘉樂最初對票房表示唔緊張：「但係伊健不停提起，所以今日開畫就緊張，陳小春今日緊張到唔敢面對。心情似金像獎揭曉嗰刻，暫時聽到反應好，對得住投資者同兄弟。」佢仲笑話每次有好消息，伊健都會請食飯。

為宣傳佢哋周圍去，林曉峰話24小時不斷進出機場，志偉話做完晒所有地方宣傳後會台前幕後眾人再聚慶功：「除咗醉冇其他方法。」

精選娛聞，喺晒《娛果》
http://fb.com/appledailyent