威尼斯影帝米高法斯賓達（Michael Fassbender）與金像女配角艾莉西亞菲瑾德（ Alicia Vikander）拍拖三年，近日佢哋被爆關係更近一步，兩人已於倫敦展開同居關係。

艾莉西亞菲瑾德早前忙於趕拍《盜墓者羅拉》（Tomb Raider）系列前傳，日前導演宣佈電影煞科，之後就傳嚟艾莉西亞嘅同居消息。報道指艾莉西亞拍攝《盜墓者羅拉》時好多時間喺倫敦，後來佢與米高亦決定於英國展開同居生活，消息又話米高對呢段感情認真，之前佢亦未試過正式與女友同居。