張家輝演而優則導，佢嘅第三次執導電影《低壓槽》，即將係5月3日上映！家輝今次繼續親自上陣，身兼編劇、男主角、導演三個重要職位：「由搞笑轉型演劇情動作片，因為這是自己喜歡的題材，當然辛苦，不過再揀一次我都願意。」

噚日張家輝、張繼聰、苗僑偉（三哥）、元華、林雪、伍允龍同其他男演員造型曝光，家輝喺《低壓槽》飾演卧底于秋，家輝留咗一頭中長頭髮同鬍鬚造型，林雪演江湖大佬九指跛，運動裝加大雪茄。張繼聰係家輝黑幫好兄弟吱喳，佢一頭搶眼Dreadlocks雷鬼頭，非常搶鏡。

三哥第一次同家輝合作，佢話：「做導演要思路好清晰EQ好高，家輝轉數好快，好佩服。」三哥係家輝嘅大佬雲哥，麂皮皮褸同白色highlight長髮，舉手投足，都有攝人氣勢。武打出身嘅元華師傅，成身黑色，仲會同家輝有一場惡鬥。

精選娛聞，喺晒《娛果》
http://fb.com/appledailyent