韓國育兒綜藝節目《超人回來了》嘅人氣王大發BB，今年11月就踏入3歲，已經識講好多嘢同埋表達自己嘅感受，不過唔知係咪大個仔咗，同大家姐在詩太親密的話會好怕醜，所以唔多鍾意家姐錫佢，令家姐好唔開心。

近日大發BB媽咪上載到Instagram嘅短片可見，大家姐在詩坐喺大發BB旁邊，先錫大發BB塊面，點知大發BB就用毛巾抹家姐錫過嘅位置，及後在詩繼續錫，大發BB繼續抹，令家姐相當無奈同唔開心。雖然大發BB唔畀錫錫，不過在詩依然照顧大發BB，不時幫佢披返外套，等細佬唔好凍親，認真乖女。

另外，早前播出嘅韓國選秀節目《PRODUCE 101》人氣勁高，由98位練習生一齊唱嘅歌曲《Pick Me》同樣得到多人喜愛，就連大發BB同家姐秀雅、雪雅都好鍾意聽，日前3位小朋友賣萌跳《Pick Me》嘅短片又被媽咪放上IG同粉絲分享，獲粉絲大讚可愛。