日本女星滿島光由偶像派成功轉型成性格演員，日前其事務所humanité於官方網站宣佈，旗下嘅滿島光已離開公司獨立發展，未來將以自由身繼續演藝活動，humanité方面表示會尊重對方決定，強調雙方並非不歡而散。

32歲嘅滿島光近年在影視發展均有唔錯成績，演出攞獎日劇《四重奏》、話題電影《愚行錄》等，而私生活方面，滿島光同電影導演石井裕也離婚後，被爆戀上28歲男星永山絢斗，今日出版嘅雜誌《女性自身》報道指，滿島光同公司解約其中一個原因係私人問題，滿島光覺係係適當年紀做媽咪，因而打算暫時放下事業同男友計劃造人。同時，亦有說法指滿島光可能不滿事務所食水深而離巢，繼而自組公司親自揀job發展。

第32屆高崎電影節頒獎典禮將於本月25日舉行，滿島光與仲代達矢分別獲選為最佳女主角及最佳男主角，屆時滿島光會現身接受殊榮。

精選娛聞，喺晒《娛果》
http://fb.com/appledailyent