矛盾去旅行可免則免
長毛提議帶隊睇波

蘋果日報 2016/04/21 00:00


特首女梁齊昕去年欲進軍影圈,接拍三級導演劉俊輝的新戲《男極探射燈》,但臨開鏡卻話拍又唔拍,鬧出一場疑毀約風波;前晚電影在旺角朗豪坊舉行優先場,梁特首一家當然沒有現身,反而議員梁國雄(長毛)就有捧場,而長毛為ViuTV拍攝《跟住矛盾去旅行》節目成為熱話,問到有否捧自己場?他說:「睇咗少少啦,唔係好得閒睇。」
下次想跟誰去旅行?長毛笑說:「其實我都冇諗住再去,唔係辛苦,都係傳媒搵我至去,自己唔會主動搵呢啲嘢做,叫我帶人睇波就鍾意,因為我係球迷。而且自己都好忙,又係議員身份,唔可以成日現身節目,除非係時事節目,希望同香港人有更多溝通,了解我諗緊乜嘢。」
empty
導演劉俊輝與李逸朗等出席新戲《男極探射燈》首映。
empty
張家瑩表示早前接拍了一個美肌修身衣廣告,酬勞不俗好滿意。
林雅詩想同Don合作
至於《男》片男主角李逸朗(Don)對新戲上映好緊張:「戲裏面講香港發生嘅事件,包括議員開會睇色情相被發現,仲有議員去色情場所等等,電影表白唔係一個恥笑,而係希望大家睇完引以為鑑。」專程捧場的林雅詩着火紅低胸裙現身,她說:「自己有個題材寫咗微電影,想搵Don合作做男女主角。」問到內容有否提及賤男?她說:「樣樣都有啲,唔係純屬講我。」
同場的前亞視藝人張家瑩早前接拍美肌修身衣廣告,她說:「酬勞好滿意,始終係離開亞視後第一個job,好大鼓舞,終於變番個有用嘅人,同埋好耐冇接到咁真實嘅job,已經收咗錢,開頭仲諗冇咗份工,下半年好擔心,𠵱家接咗呢個job,下半年唔使咁擔心,可以慳住使。」
採訪、攝影:卓寶花
empty
林雅詩前晚以火紅低胸裙現身首映,表示想與Don合作拍微電影。