52歲天王郭富城今年4月拍緊電影《西遊記：女兒國》，由無錫返港求醫，全程「城嫂」方媛陪同，當時係因為城城要演孫悟空，長期化特技妝，導致皮膚敏感，不過城城都算敬業，「見過鬼都唔怕黑」，早前拍電影《密戰》，再次挑戰，再化特技妝，今次更變咗個老人家，面同頸都要化!

城城噚日喺微博貼咗條片，留言：「這個在電影《密戰》的特技化妝。要花五小時才能完成。大家猜他是誰?」今日先喺微博貼出化妝過程嘅相。唔知城城老咗會唔會係呢個樣呢!?

《密戰》係講1937年淞滬會戰後上海淪陷，城城飾演「間諜」林翔受命去到上海，重建慘遭敵人破壞嘅抗日戰線，遇上正義感爆棚嘅「蘭芳」趙麗穎，喺戰火紛飛中，攜手對抗日軍同偽政府特務，展開生死較量。

更多娛聞，喺晒《娛果》
http://fb.com/appledailyent